АҚШ президенті Дональд Трамптың арнайы уәкілі Кит Келлог Дональд Трамп, Владимир Путин және Владимир Зеленскийдің кездесуі Женевада өтуі мүмкін деп мәлімдеді. Ол бұл жөнінде Fox News телеарнасының эфирі кезінде хабарлады.
Кит Келлогтың сөзінше, АҚШ Украина жағынан атысты тоқтату шарттары жазылған құжат алған, енді соған ұқсас құжатты Ресей жағынан күтіп отыр.
"Бір аптадан астам уақыт бұрын президент Трамп Путинмен сөйлескен кезде ресейліктер меморандум әзірлейтінін айтқан. Мен оны шарттар тізбесі деп атап жүрмін. Мұндай құжатты Украина жағынан алдық. Енді ресейліктерден алу керек" деді Келлог.
Оның сөзінше, Америка жағы кездесуді Ватиканда өткізгісі келгенмен ресейліктер ол жаққа барудан бас тартқан.
"Сондықтан Женева келесі ықтимал орын ретінде қарастырылып отыр, құжатты келісіп, соғысты аяқтау үшін ол жаққа үш басшы – президент Трамп, президент Путин және президент Зеленский баруы мүмкін" деді Кит Келлог.
Үш жақты саммиттің мерзімі мен форматы әзірге ресми түрде рассталған жоқ.